Stjórn Arctica sjóða hefur yfirumsjón með starfsemi félagsins í samræmi við lög, reglugerðir og samþykktir. Stjórnin mótar almenna stefnu félagsins og sér um að rekstur, stýring sjóða og áhættustýring fari að reglum. Stjórnarmenn skulu uppfylla hæfisskilyrði laga um rekstraraðila sérhæfðra sjóða.
Bjarni Þórður Bjarnason starfar sem aðstoðarframkvæmdastjóri Arctica Finance hf. Frá júní 2003 til október 2008 var Bjarni forstöðumaður fyrirtækjaráðgjafar Landsbankans. Fyrir þann tíma var Bjarni aðstoðarforstöðumaður fyrirtækjaráðgjafar Búnaðarbankans og þar áður í sams konar stöðu hjá Gildingu fjárfestingarsjóði. Áður var Bjarni sérfræðingur hjá fyrirtækjaráðgjöf Kaupþings.
Bjarni er vélaverkfræðingur frá Háskóla Íslands og með MBA-gráðu frá Southern Methodist University í Bandaríkjunum, auk þess sem hann er með verðbréfaréttindi.
Helga Gregor Gunnarsdóttir er sjálfstætt starfandi ráðgjafi. Á árunum 2019 til 2025 gegndi hún stöðu verkefnastjóra og sérfræðings áskrifstofu forstjóra Marel hf. Áður en hún kom til Marel starfaði hún sem sérfræðingur í Fyrirtækjaráðgjöf Landsbanka Íslands hf. og Landsbankans hf. frá árinu 2003 til ársins 2019 og Fyrirtækjaráðgjöf Búnaðarbankans hf. og Kaupþings Búnaðarbanka hf. frá árinu 1999 til ársins 2003.
Helga er viðskiptafræðingur, Cand.oecon, frá Háskóla Íslands af fjármálasviði og stjórnunarsviði. Helga er með verðbréfaréttindi.
Hannes J. Hafstein er hæstaréttarlögmaður hjá Pacta lögmönnum. Hannes gegndi áður stöðu forstöðumanns lögfræðiráðgjafar Landsbanka Íslands hf.
Hannes nam lögfræði og lauk Cand. Jur frá Háskóla Íslands árið 1996. Hannes hefur lokið Master of Laws (LL.M.) frá London School of Economics and Political Science og fékk málflutningsréttindi fyrir héraðsdómi árið 1998, málflutningsréttindi fyrir Landsrétti 2019 og fyrir Hæstarétti árið 2022.
Hannes hefur lokið prófi í verðbréfaviðskiptum í Bretlandi.
Stjórn Arctica sjóða leitast við að viðhalda góðum stjórnarháttum, en félaginu er þó ekki skylt samkvæmt lögum að fylgja viðurkenndum leiðbeiningum um stjórnarhætti fyrirtækja. Félagið leitast þó við að hafa í heiðri þær kröfur sem leiðbeiningar um stjórnarhætti fyrirtækja sem Viðskiptaráð Íslands, NASDAQ og Samtök atvinnulífsins hafa gefið út. Systurfélag Arctica sjóða, Arctica Finance hf., fer eftir leiðbeiningum þessum og gefur árlega út stjórnarháttayfirlýsingu og birtir opinberlega, sem og sjálfbærniskýrslu þar sem fjallað er m.a. um ófjárhagslegar upplýsingar. Arctica sjóðum sjálfum ber ekki skylda til að birta ófjárhagslegar upplýsingar sem vísað er til í 66. gr. d. laga nr. 3/2006, um ársreikninga, en sætir að mörgu leyti sömu kröfum og systurfélag þess.
Ársreikningar
Ársreikningur félagsins skiptist í A hluta, sem sýnir afkomu og efnahagsreikning félagsins, og B hluta, sem sýnir sýnir afkomu og efnahagsreikning sérhæfðra sjóða fyrir almenna fjárfesta, sem eru í rekstri félagsins.
Árs- og árshlutareikningar
Reglur, samþykktir og stefnur
